Crop insurance news : राज्यातील एक कोटी ७० लाख ६७ हजार शेतकऱ्यांनी यंदा पीकविमा भरला आहे. सरकारच्या ‘एक रुपयात पीकविमा’ योजनेअंतर्गत शेतकऱ्यांच्या हिश्श्याचे ४०६ कोटी रुपये राज्य सरकारने विमा कंपन्यांना वितरीत केले आहेत.
त्यामुळे पावसाअभावी खरीप वाया गेलेल्या जवळपास सव्वाकोटी शेतकऱ्यांना विमा संरक्षित रकमेतील २५ टक्के रक्कम मिळण्याचा मार्ग मोकळा झाला आहे. साधारणत: २० ऑक्टोबरपासून भरपाई शेतकऱ्यांच्या खात्यात वर्ग करण्यात येईल.
यंदाच्या खरीप हंगामात राज्यातील एक कोटी ४० लाख ९७ हजार हेक्टरवर खरीप पिकांची पेरणी झाली होती. पण, पेरणीनंतर काही दिवसांनी पावसाचा मोठा खंड पडला आणि राज्यातील जवळपास आठशेहून अधिक महसूल मंडळांमधील पिकांना त्याचा फटका बसला. तर पाण्याअभावी पिकांची उत्पादकता देखील कमी झाली.
शेतकऱ्यांना हेक्टरी 22 हजार रुपये,शासन निर्णय, संभाव्य यादी पहा
तुम्हाला मिळणार का पीक विमा? यादीत नाव पहा
विमा कंपन्यांचे प्रश्न अन्‌ प्रशासनाची कोंडी
लवकरच मिळेल पीकविम्याची रक्कम
‘एक रुपयात पीकविमा’मधील सरकारचा हिस्सा आता मिळाला आहे. तत्पूर्वी, केंद्र व राज्य सरकारचा विम्यापोटीचे तीन हजार कोटी रुपये विमा कंपन्यांना दिले आहेत. आता विमा कंपन्यांकडून लवकरच शेतकऱ्यांना भरपाई वितरीत होईल.
– सुनिल चव्हाण, कृषी आयुक्त, महाराष्ट्र
खरीप पीकविम्याची स्थिती
- अर्जदार शेतकरी
- १७०.६७ लाख
- विमा संरक्षित क्षेत्र
- ११३.२७ लाख हेक्टर
- एकूण ‘खरीप’ क्षेत्र
- १४२.१३ लाख हेक्टर
