या घटनेनंतर, डोनाल्ड ट्रम्प यांना यूएस सीक्रेट सर्व्हिस एजंट्सनी तत्काळ मंचावरून बाहेर नेले.
सीक्रेट सर्व्हिसने एका निवेदनात म्हटले आहे की ट्रम्प सुरक्षित आहेत आणि त्यांच्या संरक्षणासाठी उपाययोजना लागू करण्यात आल्या आहेत. ट्रम्प मंचावरून खाली आल्यानंतर लगेचच पोलिसांनी रॅलीचे मैदान रिकामे केले.
पहा व्हिडीओ –
#WATCH | Gunfire at Donald Trump's rally in Butler, Pennsylvania (USA). He was escorted to a vehicle by the US Secret Service
"The former President is safe and further information will be released when available' says the US Secret Service.
(Source – Reuters) pic.twitter.com/289Z7ZzxpX
— ANI (@ANI) July 13, 2024
ही रॅली पेनसिल्व्हेनियाच्या ग्रेटर पिट्सबर्ग भागातील बटलर काउंटीमध्ये आयोजित करण्यात आली होती. बटलर काउंटी डिस्ट्रिक्ट ॲटर्नी रिचर्ड गोल्डिंगर यांनी सांगितले की, संशयित बंदूकधारी व्यक्तीला गोळी मारत खाली पाडले तर रॅलीत सहभागी झालेल्या एकाचा मृत्यूही झाला.
ट्रम्प यांच्या कानाजवळ रक्त कसे आले आणि ते कसे जखमी झाले हे अद्याप स्पष्ट झालेले नाही. व्हिडिओमध्ये ट्रम्प यांच्या उजव्या कानाला आणि चेहऱ्याच्या उजव्या बाजूला रक्त दिसत आहे. ट्रम्प ज्या स्टेजवर उभे होते त्या स्टेजजवळील छतावर सशस्त्र अधिकारीही तैनात करण्यात आल्याचे सांगण्यात येत आहे.
Video Viral रीलच्या नादात तरुणी गेली वाहून
दरम्यान या हल्ल्यानंतर, सीक्रेट सर्व्हिस एजंट्सनी डोनाल्ड ट्रम्प यांना घेरल्याचे व्हिडिओमध्ये दिसत आहे. त्यांच्या चेहऱ्यावर रक्त आल्याचे दिसत आहे.
रिपोर्ट्सनुसार, सीक्रेट सर्व्हिस एजंट्सनी शूटर मार्क व्हायलेट्सला मारले आहे. ही घटना घडण्यापूर्वी त्याने यूट्यूबवर एक व्हिडीओ अपलोड केला होता ज्यामध्ये जस्टिस कमिंग असे म्हटले होते. राष्ट्राध्यक्ष जो बिडेन, उपाध्यक्ष कमला हॅरिस आणि माजी राष्ट्राध्यक्ष बराक ओबामा यांनी या हल्ल्याचा निषेध केला आहे.
मीडिया रिपोर्ट्सनुसार, तीन अमेरिकन सुरक्षा एजन्सी ट्रम्प यांच्यावरील हल्ल्याची चौकशी करत आहेत. एफबीआय, सीक्रेट सर्व्हिस आणि एटीएफने या प्रकरणाचा ताबा घेतला आहे. अमेरिकेच्या माजी राष्ट्राध्यक्षांच्या हत्येचा प्रयत्न केल्याचा गुन्हा दाखल करण्यात आला असून तपास सुरू आहे.
